Fā

Fā

Fakafaʻafaʻahinga fakasaienisi

Puleʻanga: ʻakau Vahe: ʻakau matala Haʻa: lautengaʻitaha Holongā: pandanales Kāinga: PANDANACEAE Kāinga ofi: Pandanus Faʻahinga: tectorius

Hingoa kakato lōua

Pandanus tectorius Parkinson ex Zucc. Hingoa lea fakapilitānia: Screw pine

Vakai ki he tala fakalahi: Commons

Ko e fā ko e fuʻu ʻakau ia, ʻoku tupu ofi ki he tahi, sai ʻene tupu ʻi he matāliku. ʻOku ui foki ko e Pandanus odoratissimus (fā namulelei).

Ngaahi faʻahinga kehekehe

• fā, Pandanus tectorius — ko e kakala vale
• fāhina, fātea, Pandanus odoratissimus pseudolinnaei — ko e kakala vale
• fā lotuma
• fāvula, Pandanus odoratissimus pyriformis
• falahola, Pandanus odoratissimus sinensis — ʻoku tui tatau mo e fākula ʻe he kakai Tonga, ko e kakala ʻiloa
• fākula, Pandanus corallinus — ko e kakala ʻiloa māʻolunga fika 2
• fāfā, Pandanus corallinus
• hingano, Pandanus odoratissimus setchelii — ko hono matalaʻiʻakau hinehina ʻoku ui ko e hafu pe hafuʻihingano, ko hono moto ko e lūpū pe lūpuuʻihingano, ko e kakala vale
• kukuvalu, Pandanus odoratissimus savaiensis — ko ʻene matalaʻiʻakau, ko e kakala ʻiloa
• louʻakau — lou lahi, sai maʻa e lalanga
• loukie, Pandanus corallinus — ʻoku ngāueʻaki ʻene lou ki he lalanga kie
• loutotolo, Pandanus corallinus — ʻikai talatala
• paongo, Pandanus whitmeeanus — ko e kakala ʻiloa
• paufu
• tapahina, Pandanus sp. — lau taʻetuhi
• tofua, Pandanus corallinus — ʻoku ngāueʻaki ʻene lou mui ki he lalanga lōkeha; lau taʻetuhi
• tutuʻila, Pandanus sp. — ʻikai talatala

Hingoa ʻi he ngaahi lea kehe

• fala (lea fakahaʻamoa)
• balawa, vadra (lea fakafisi)
  • voivoi, Pandanus caricosus Rumph.
• fara, hinano (lea fakatahisi)
• ʻara (lea fakakuki)
• hala (lea fakahauaiʻi)
• fā (lea fakaniuē)

Toe meʻa kehe

Ko e fā ko e ʻakaū mahuʻinga taha hono ua ʻi he Pasifiki (ko e niu ko e ʻuluaki). Ko hono fua: meʻakai mo e ngaahi kahoa (papai fā); ko hono lou: fala.

Tataku

• Hokohoko ngaahi ʻakau; Vaʻa fekumi ngoue Vainī
• Tongan dictionary; C.M. Churchward
• Flowers of the Pacific island seashore; W.A. Whistler; ISBN 978-0-8248-1528-8
• Langi tauʻolunga & hiva kakala; Nukuʻalofa 2000; ISBN 978-982-9800-71-8
• Plants of Tonga; T.G. Yuncker; BPB bulletin 220, Honolulu 1959

Ko e kupu ʻeni ko e potuʻi ia (stub). ʻIo, ko koe, kātaki tokoni mai ʻi hono ngāue fatu fakalahi.