Hunga (Haʻapai)

Mei he Wikipedia
Hopo ki he: ʻai taumuʻa, kumi
HungaHPA.gif

Ko e ongo kiʻi motu ʻi he vahaʻa ʻo Haʻapai mo Tongatapu, tuʻu ʻi he tuʻahivi fakamoʻungaafi ʻo Tonga. Ko Hunga Tonga ʻi hahake, ko Hunga Haʻapai ʻi hihifo, kae mahalo pē ʻoku na fakafetongi. ʻEna lōloa takitaha ko e kilomita ʻe 2, ʻena mamaʻo ko e kilomita ʻe 4. Ko Hunga Tonga hono māʻolunga ko e mita ʻe 149, ko Hunga Haʻapai ko e mita ʻe 128.

Ko ongo motu ko e moʻungaafi kinaua, ko e ngaahi toenga ʻo e ngotoʻumu lahi ʻe taha. Ko e feituʻu laku ʻi 1912 mo 1937 naʻe tuʻu kilomita ʻe 3.0 ki he tonga ʻo Hunga Tonga. Kae ko e puna ʻa e afi fakamuimui ʻi 1988, naʻe hoko mei ha feituʻu kilomita ʻe taha tongatongahahake ʻo Hunga Haʻapai.

Hili he ngaahi mafuike lolotonga he uike ʻi muʻa, naʻe kamata laku he 16 Maʻasi 2009, mahalo pē ki he hihifo ʻo Hunga Haʻapai. Naʻe tuku ʻa e laku ʻosi he uike ʻe taha.

Ko e ʻata fakalanuloi mei he ASTER satelaite ʻi he 25 Maʻasi 2009. Ko ha motu foʻou ʻoku hā ʻi he tonga ʻo Hunga Haʻapai. ʻOku haaʻi ʻuliʻuli ko Hunga Haʻapai ko e ʻuhinga naʻe mate ʻa heʻene ngaahi ʻakau kotoa pe ʻufiʻufiʻi he efuefu. ʻOku kulokula ʻa Hunga Tonga ko e ʻuhinga ʻoku kei moʻui ʻa heʻene ngaahi ʻakau.

Latitute longitute: 20°54 tonga 174°39 hihifo

Ko e kupu ʻeni ko e potuʻi ia (stub). ʻIo, ko koe, kātaki tokoni mai ʻi hono ngāue fatu fakalahi.