St Peter's College, Auckland
Mei he Wikipedia
Ko e St Peter’s College (Kolisi St Peter), ‘Aokalani, ko e Kolisi Katolika ma‘a e tamaiki tangatá ‘oku tu‘u ‘i loto ‘Aokalani, Nu‘u Sila. Ko e ‘apiako Katolika lahi taha eni ‘i Nu‘u Silá. Na‘e fokotu‘u ‘a e ‘apiakó ni ‘i he ta‘u 1939 ‘e he kautaha felela ko e Christian Brothers, ka ‘i he ta‘u 2008 ‘oku ‘ikai te toe ‘i ai ha taha ‘o e kau mo‘ui fuakava ‘e kau atu ki he faiako.[1] Ko e tokolahi ‘a e fānau ‘oku ako he apiakó ni ko e toko 1200 mei he ngaahi matakali kehekehe. ‘I he mala‘e ‘o e fekumi faka’atamai ‘oku ‘oatu ‘e he ‘apiakó kiate kinautolu ‘i honau ngaahi ta‘u faka’osí ‘a e NCEA pe ko e Setifikeiti fakapule‘anga ki he A‘usia Fakaakó, pea toe kau atu foki ki ai mo e Sivi Fakavaha‘a Pule‘anga ko e Cambridge (CIE).[2]
- Moto: Ke ‘ofa pea ke faifatongia (Amare et Servire)
- Fa‘ahinga: Kolisi Katolika ma‘a e fānau Tangata (Ta‘u 7–13)
- Ta‘u na‘e fokotu‘u: 1939
- Tu‘asila: 23 Mountain Rd, Epsom, ‘Aokalani 3 Telefoni: +64 9 524 8108 Fax: +64 9 524 9459
- Tohila: admin@st-peters.school.nz
- Pule Ako: K.F. Fouhy
- Tokolahi e ako: 1177 (2008)
- Tu‘unga faka‘ekonomika sōsiale: tesaile 8 (tesaile 10 ‘a e ma‘olunga taha)
[fatuʻi vahe] Ni‘ihi ‘o e kau kolisi tutuku ‘iloa[3]
- ‘Epikopo Dennis George Browne (fa‘ele‘i 1937), ko e ‘Epikopo hono hongofulu ‘o e Taiosisi ‘Aokalani (1983 – 1994), ‘Epikopo hono ua ‘o Hemilitoni (1994–ki he lolotonga´ ni).
- ‘Eiki Falealea Christopher Joseph Carter (fa‘ele‘i 1952): Minisitā ‘o e Kapineti.
- Mēsia Seniale Martyn Dunne (fa‘ele‘i 1950), Komanitā ‘o e Kau Sōtia Fakatahataha ‘a Nu‘u Sila ‘oku nau kau atu ki he Kau Tau Malu‘i Fonua ‘a Nu‘u Sila (2001–2004).
- Sir Michael Fay (fa‘ele‘i 1949), ko e tokotaha fakalele pangike, sea ‘o e ngaahi feinga tu‘o tolu ‘a e Nu‘u Sila ke pole‘i ‘ a e ipu Amelika ‘i he lova ‘iote ‘i he 1987, 1988, pea mo e 1992.
- Sam Hunt (fa‘ele‘i 1946), ko e tangata punake fa‘u maau.
- Bernard Joseph McCahill (fa‘ele‘i 1962), All Black, second five-eighth mo e centre three-quarter (1987–1991).
