Kakala

Ko e heilala, ko e kakala ʻiloa fika ʻuluaki

Ko e kakala ko e ʻakau pe foʻi matala pe foʻi fua pe foʻi tenga ia, ko e konga ia ʻoku manongi. Pea ʻoku ʻi ai ʻa e tala tukufakaholo ʻo ʻene tupu. ʻA ia ko e ʻakau ʻomi, ʻoku ʻikai ʻi ai haʻane tupu tukufakaholo, neongo ʻene manongi, ʻoku ʻikai ha kakala ia (fakatātā: kalonikakala).

Ko e ngaahi kakala ʻiloa pe kakala hingoa ko e ngaahi kakala kinautolu maʻa e houʻeiki. Ko e ngaahi kakala vale maʻa e kakai. Vakai foki ki he kahoa kakala.

kakala hingoa	kakala vale
ahi fā (falahola, fākula, kukuvalu, paongo) hea heilala huni kulukona koli langakali moʻonia maile mapa motelolo nukonuka pipi vunga	fā (fātea, hingano) fatai huni mohokoi pua puopua siale tafa tetefa uhi

Ko e tupu ʻo e matalaʻiʻakau kakala ʻi he tukutala fakatonga

ʻOku ʻi ai ha ngaahi sitepu ʻe hongofulu

1. fatakau, ko e kamataʻanga ʻuluaki ʻo e matala
2. tangitangi, ʻoku kei siʻisiʻi ʻa e moto
3. moto
4. fisi, ʻoku kamata ʻa e mafola ʻo e moto
5. lūpū, ʻoku mafola
6. mafola, kuo mafola ʻaupito ʻa e matala
7. mae, ko e kamataʻanga ʻo e mate
8. maheikau
9. maheilau, ʻoku mapelu ʻa e matala
10. ngangana, ʻoku ne tō

ʻOku kiʻi kehekehe mei he kakai ʻe taha

1. fatakau
2. mataliki, ʻoku kamata ʻa e moto ʻene ʻasi
3. moto
4. fisi, kuo kiʻi mafola ʻa e moto
5. tangitangi, tatau mo e fisi maʻa e siale tafa
6. lūpū, ko e moto ʻo e hingano (lūpuuʻihingano), ʻoku kamata ʻene mafola
7. mafola
8. mae
9. maheikau
10. mokulu
11. ngangana

Ngaahi foʻi lea toe

• punalau: mafola pe mae

Tataku

English abstract available: Go