Kakala

Mei he Wikipedia
(Kuo leʻei mei Kakala vale)
Hopo ki he: ʻai taumuʻa, kumi
Ko e heilala, ko e kakala ʻiloa fika ʻuluaki

Ko e kakala ko e ʻakau pe foʻi matala pe foʻi fua pe foʻi tenga ia, ko e konga ia ʻoku manongi. Pea ʻoku ʻi ai ʻa e tala tukufakaholo ʻo ʻene tupu. ʻA ia ko e ʻakau ʻomi, ʻoku ʻikai ʻi ai haʻane tupu tukufakaholo, neongo ʻene manongi, ʻoku ʻikai ha kakala ia (fakatātā: kalonikakala).

Ko e ngaahi kakala ʻiloa pe kakala hingoa ko e ngaahi kakala kinautolu maʻa e houʻeiki. Ko e ngaahi kakala vale maʻa e kakai. Vakai foki ki he kahoa kakala.

kakala hingoa kakala vale

Ko e tupu ʻo e matalaʻiʻakau kakala ʻi he tukutala fakatonga[fatuʻi vahe | edit source]

ʻOku ʻi ai ha ngaahi sitepu ʻe hongofulu[1]

  1. fatakau, ko e kamataʻanga ʻuluaki ʻo e matala
  2. tangitangi, ʻoku kei siʻisiʻi ʻa e moto
  3. moto
  4. fisi, ʻoku kamata ʻa e mafola ʻo e moto
  5. lūpū, ʻoku mafola
  6. mafola, kuo mafola ʻaupito ʻa e matala
  7. mae, ko e kamataʻanga ʻo e mate
  8. maheikau
  9. maheilau, ʻoku mapelu ʻa e matala
  10. ngangana, ʻoku ne tō

ʻOku kiʻi kehekehe mei he kakai ʻe taha[2]

  1. fatakau
  2. mataliki, ʻoku kamata ʻa e moto ʻene ʻasi
  3. moto
  4. fisi, kuo kiʻi mafola ʻa e moto
  5. tangitangi, tatau mo e fisi maʻa e siale tafa
  6. lūpū, ko e moto ʻo e hingano (lūpuuʻihingano), ʻoku kamata ʻene mafola
  7. mafola
  8. mae
  9. maheikau
  10. mokulu
  11. ngangana

Ngaahi foʻi lea toe[3]

  • punalau: mafola pe mae

Tataku[fatuʻi vahe | edit source]

  1. ʻOku pehē ʻe Futa Helu
  2. ʻOku pehē ʻe Churchward, ko e tikisinale fakatonga
  3. ʻOku pehē ʻe Mapa Veikune

Flag of the United Kingdom.svg English abstract available GO