Malaʻeʻāloa
Ko Malaʻe ʻā loa ko e faʻitoka ia ʻi Sopu, he matāfanga. ʻOku tokolahi ʻa e houʻeiki ʻoku toka ʻi ai (ko e houʻeiki ʻoku tōfā, ʻoku nau tōfā ʻi he telioʻanga ko e Malaʻekula).
ʻOku nau toka heni:
- Tuʻimala (ʻohoana ʻuluaki ʻo Mumui Tupouʻila Mapatongiamanu), naʻe tanu ia ʻi hono matafale ʻo hono ʻapi, ʻa ia ko e kamataʻanga ia ʻo Malaʻeʻāloa
- Aleamotuʻa (Josiah Tupou) 1845
- Siaosi Tangata ʻo Haʻamea 1960
- Heuʻifanga Veikune 1996
- Siosaia Aleamotuʻa Laufilitonga Tuita 1998
- ʻAmelia Lātūniua Taumoepeau-Tupou (ʻAhomeʻe) 2007
- mo e hā fua
Ko e faʻitoka he onopooni ko e konga pē ia ʻo e Malaʻeʻāloa ʻo Tuʻimala. Ko e feituʻu moʻoni ʻoku kamata ʻi he pālasi ʻi hahake, ʻa ia ko e ʻapi ko Talakaipau (ʻapi houʻeiki), mo e Niukāsā (ʻapi ʻo ʻUlukālala), mo e Polataʻane (ʻApi e konisela, ko e nofoʻanga ʻo e konisela Pilitānia), pea ʻosi ʻi he faʻitoka ʻi hihifo.
Ko e ngaahi vahevahe ʻe fā ʻo e faʻitoka ʻoku ʻi ai honau hingoa foki:
- Faletuipapai (tafaʻaki ki tahi ʻoku tanu/telio ai ʻa e houʻeiki).
- Likutea (kamata fakatatau mei he ngaahi faʻitoka ʻo Veikune, ʻoku lahi hono tanu ai ʻa e kau papālangi misinale motuʻa, ʻa ia, mahalo pē hono hingoa: ko e liku-tea).
- Makahokovalu (kamata fakatatau mei he faʻitoka ʻo Tupoutuʻa 'a ia 'oku tanu ai ʻa ʻUlukālala Haʻamea).
- (heʻikai hano hingoa) pea fakamuimui ʻa e konga ne faiputu ai ʻa e kau ʻUtulau.
Tataku
[fatuʻi vahe | edit source]- http://www.facebook.com/topic.php?uid=121562531232388&topic=63 TALA ʻO E FAʻITOKA KO MALAʻEʻĀLOA