ʻakau matala
| ʻakau matala | ||||
 | ||||
| Fakafaʻafaʻahinga fakasaienisi | ||||
| ||||
| Hingoa kakato lōua | ||||
Ko e ʻakau matala ʻi he saienisi ʻo e ʻakau ko e taha pē ʻo e vahe ʻo e fanga meʻamoʻui ʻe 5 ʻi he ʻuluʻivahe ko ʻakau tengaʻiʻakau (spermatophytes). Kā ko e vahe ʻiloa taha.
Ko e ngaahi vahe ʻe 4 ʻoku toe:
- ponga paame (cycadophyta)
- fua siliva (ginkgophyta)
- ʻakau paini (pinophyta)
- ʻakau sukau (gnetophyta)
ʻOku faingofua ʻo fakapupungaʻi kinautolu ʻi he tengaʻiʻakau telefua (gymnospermae). Ko e ʻakau matala ko e taha pē ia ʻi he pupunga ʻo e tengaʻiʻakau ʻufiʻufi (angiospermae).
ʻOku lava ʻo tānaki ʻa e vahe ponga tenga (pteridospermatophyta) ki he tengaʻiʻakau telefua, kā naʻe nau ʻauhamālie ʻaupito ʻosi ʻa e taʻu ʻe 400 miliona kuo hili pe ofi ki ai.
lautengaʻitaha, lautengaʻiua
[fatuʻi vahe | edit source]ʻOku faʻa vahevahe ʻa e ngaahi ʻakau matala ʻi he ongo haʻa:
- lautengaʻitaha monocotyledones pe (onopooni): liliopsida
- lautengaʻiua dicotyledones pe (onopooni): magnoliopsida
Ko e "lautenga" ko e lau ʻe taha pe ua ia ʻoku hū tuʻa mei he tenga, ko e (ongo) lau ʻuluaki ʻo e ʻakau. ʻOku ʻasi ʻi he faitā ko e tupu ʻo e lautengaʻitaha (hema) mo e lautengaʻiua (mataʻu). Kā ʻoku toe ʻa e ngaahi vahevahe kehe:
| lautengaʻitaha | lautengaʻiua | |
| lauʻimatala | tuʻotolu | tuʻofā pe tuʻonima |
| efuefu fakafua | kiʻi ʻavaʻava ʻe taha | kiʻi ʻavaʻava ʻe tolu |
| kālava ʻi he louʻakau | ʻoku huʻufataha | ʻoku manga |
| tengaʻiʻakau | ʻoku kamata lou ʻe taha | ʻoku kamata lou ʻe ua |
| ngaahi aka | taha pē, mo e lahi aka siʻi | ʻoku manga aka kotoa |
| kālava ʻi he fuʻu sino | tuʻu movetevete | tuʻu ʻi he mama |
| tupu fuolahi foʻou | ʻikai | ʻoku lava |
ʻOku ʻi ai ha ngaahi ʻakau ʻoku kehe ʻenau anga ʻe taha kā ʻikai kehe ʻe taha, ʻa ia ʻoku kei lotokehekehe ʻa e kau saienisi ki he vahevahe totonu, pea taimi e niʻihi ʻoku nau fai ha ngaahi vahavahe foʻou. ʻOku pehē ʻe he tokotaha ʻoku tatau tonu ko e dicotyledones mo e magnoliopsida, ʻoku pehē ʻ e he toktaha ʻoku meimei pē. Pea ʻoku nau tānaki ʻa e haʻa ko e eudicots pea mo e rosopsida.
Tukufakaholo
[fatuʻi vahe | edit source]Vakai foki ki he kakala, ko e ngaahi matala ʻi he tukutala fakatonga.